Pantun Bahasa Banjar Lucu Dan Sangat Mendidik – Pantun Banjar adalah sastra lama yang lahir, tumbuh, dan berkembang di masyarakat Banjar. Pantun Banjar dapat memberikan sumbangan dalam pembentukan pola pikir, sikap, dan tingkah laku masyarakatnya. Hal itu berarti pantun Banjar dapat menjadi media pendidikan untuk membentuk karakter masyarakat Banjar itu sendiri.
Pantun Bahasa Banjar
Metode penelitian yang digunakan adalah metode deskriptif. Dengan metode deskriptif nilai-nilai yang dapat membentuk karakter positif dalam pantun Banjar dapat diketahui, antara lain menjauhi perbuatan dosa, sikap rajin menuntut ilmu agama, jangan bersikap pemalas, dan memperhatikan lingkungan.
Nah, buat sobat blogsiana, yang saat ini sedang mencari pantun berbahasa banjar maka dapat menyimaknya pada ulasan berikut ini!
Pantun Bahasa Banjar Lucu
Kambang marakah ditangah padang..
angin batiup kambang baguyang..
amun hudah sayang pada sayang..
napa pang lagi nang pian dihadang..
Puhun tiwadak puhun paring..
anak bakantan duduk di ranting..
kayapa awak kada manggaring..
amun kaingatan lawan si ading..
Badimapa pang akal malunta
akar manggis bakulilingan
badimapa akal nya lupa
lawan ading manis nang pangurihingan
Tangan kiwa ma’ingkut hilalang..
hilalang karing di ikat wan banang..
amun pang kawa ading ba’ilang..
pian bakurihing kaka sudah sanang..
Sayur nangka campuri hundang
iwaknya papuyu bapanggang
Kaya apa kd mancuri pandang
mun kupiah pian inda singgang
Batanam paring wan jua kantang..
hibak kalalawar hadap ma’ukang..
kayapa ading kda m’curi pandang..
tali salawar talinya kutang…
Tabang pisang andak diplataran
Lalaran dibantang gasan dadaian
Si ading cangang inda supan
Malihat pian bagaru kada sing ampihan
Tikar purun urak barata..
urak barata jangan dipulun..
bismillah ulun mambuka kata..
marangkai kata baulah pantun..
Puhun sarikaya di hutan balantara..
bajalan sa’pal mun manuju kasana..
hidup didunia hanya samantara..
banyaki amal gasan sangu kasana..
Tikar diurak jangan dipulun..
diurak kapanjangan hujungnya dilipat..
raminya pian smbil bapantunan..
bulihkah bakajal handak umpat..
wasi pang baja ngalih dilipat..
ngalihi malipa buang kahiga..
silahkan haja pian handak umpat..
harap maklum surungannya kadada..
Kain katun labih sa’inchi..
labih sa’inchi dibulik’akan..
bujurlaah pantun adalah seni..
darilah itu kita lestariakan..
Ulun umpat maraha dihiga..
biar dihiga asal pang muat..
kada masalah surungannya kadada..
nang penting sudah badapat..
Urak payung diwaktu hujan
Supaya awak kada kabasahan
Bagutung ruyung basiang jalan
Budaya laluhur harus dilestarikan.
Ayu manuntun barang sapakan
Jangan lupa membawa teman
Budaya bapantun harus dlestarikan
Supaya tak hilang dimakan jaman.
Amang Udin bajual paring
Paring diandak dihiga tajau
Ulun kada kawa guring
Kaganangan nang pian baju hijau.
Bibinan nang manyahuti
Mudahan batambah rajakinya
Lalakian nang manyahuti
Mudahan batambah bininya
Tanam pisang diatas galangan
Pinang diracik kulitnya dibuang
Malam siang aku kaganangan
Urangnya baik baduit ha pulang
Ngilu rasa dipalipatan
handak baurut tadahulu urang
ngalu kapala mamikirakan
nang di kahandaki tadahulu urang
Jambatan panjang papannya gadang
ampah kahulu tabulik pulang
tumatan bujang aku hadang
imbah balu tadahulu urang pulang
Tanah luas dipahalatan
balah ampat dipahumaan
sudah lawas kada badapat
imbah tadapat sakalinya baranakan
Lilin dipiring habis malilih
anak tikus malingkari umanya
asa rambang hati mamilih
lamak kurus sama langkarnya
Pais pipih simat dalapan
ganal tulang lipat kebalakang
biar habis gaji ampat bulan
asal dapat nang bujang
Puhun jati balah dibuku
bagi dua diulah kayu
amun dihati sudah katuju
lakasi bawa karumah pangulu
Lamun baju sudahlah tipis
jang ditapas hari salasa
kada katuju jangan dilapis
baik dilapas kada badosa
Ka kandangan matan barangas
mancari kamuning didalam parit
karindangan lawas kada badapat
si putih kuning nang ganal burit
Buah durian buah tiwadak
musimnya buahnya dihadang
ngaran kapingin dan handak
biar balu tatap dihadang
Tantaran panjang jangan diandak
ampah kahulu layar balipat
tumatan bujang aku nang handak
imbah balu hanyar pang dapat
Rambai padi dibalah ketupat
imbah kahilir jalan mundur
pujaan hati sudah kudapat
biar balu burit kaya gadur
Pantun Banjar Jenaka
Kuliling urang maarak
dalam parit sijukung sudur
mata manciling hidung malarak
malihat burit si balu kaya gadur
Kuyak kanas rasanya masam kalu
kalu masam ambil uyah cap gudang
banyak kada katuju lawan si balu
biar balu baisi amas sagudang
Pantun banjar Bahagia
Indahnya kambang babaris disini
hanyut tabawa kapinggiran pantai
wayahnya datang pacang jadi bini
disambut lawan bunga rampai
Cahaya rembulan dimalam hari
bintang bertahta mengelilingi
bila pacang ada bini disini
siapa jua nang pacang manyaingi
Pulau tabalah karna lautan
tarasa dingin banyu batang
kalau sudah diiih akan kuitan
rasa lakas handak badatang
Ada batang diulah rumah ba kamar
cari gargaji ditatak akan pulang
sudah badatang karumah malamar
handak lakas dinikah akan pulang
Indahnya kayu pukah digusukan
gigi barasih harum ha pulang
sudah nikah di arai akan
lakasi bah kawin akan pulang
Cincin kawin dipakai di jari manis
tandanya sudah baisian tunangan
sudah kawin dirayakan habis-habisan
sakalinya handak bulan madu ha pulang
Bulan madu ke bali bawa maggis
jangan lupa tangan pakai sarung
tajual harta kuitan sampai lingis
mangawinakan anak nang surangan
Pantun Banjar GabuT Bijak
Rasa banyu titikan dipalataran
kada bajamu makan kanas ha pulang
rasa babanyu babunyi karicikan
kada nyaman ditaruakan baik guringan
- Nukar sempak di surakarta,
- sempaknya habis kada besisa,
cinta jangan memandang harta, - harta habis hilanglah rasa
- Ke turki makan soto babat,
- makannya sambil beturun benaik,
mungkin aku bukan yang terhebat, - tapi ku janji kan jadi yang terbaik
- Bu lurah namanya rina,
- beliau punya piaraan kuda,
tolonglah pas ku tembak kena, - ikam jangan menyambat kada
- Buka puasa makan ampalam,
- nukarnya wadah paman anang,
- kada siang kada malam,
- muha ikam selalu ku ganang
- Ada preman jangan digatuk,
- mun indah masuk ke makam,
- mataku boleh ja mengantuk,
- tapi hati tetap ke ikam
- Di amerika banyak kuyang,
- di pleihari banyak jurang,
- sungguh sayang seribu sayang,
- ikam bungas tapi ampun urang
- Ada meggy z ada mansyur s,
- roma irama sidin bejabis,
- gugup ku kededa ikam sms,
- urang bepadah mun pulsa habis
- Ada singa makan tapai,
- singanya raja jambul,
- awas ikam japai-japai,
- belum lagi beijab kabul
- Ada tupai diatas awan,
- langsung difoto oleh wartawan,
- mungkin aku kada rupawan,
- tapi awakku kaya binaragawan
- Ada sempak kada betali,
- sekalinya ampun sumanti,
- sudah ku bilang berapa kali,
- ku cinta ikam sampai mati
- Ada truk diatas unta,
- asa kada mungkin bisa dibungulinya,
- apa guna beisi cinta,
- mun kada hakun membaginya
- Kepasar menukar rantang,
- mata kanan pina begerujut,
- mun jodoh balum jua datang,
- ambil udu bawa besujud
- Iwak nila iwak patin,
- kain sutra kain katun,
- daripada pina membatin,
- baik bawa bepantun
- Nukar serbet di irian jaya,
- pakai bajaj tulak kesananya,
- ujar binian lakian tu buaya,
- ujar lakian binian tu lubangnya
- Ke duta mall mencuci mata,
- dimuka hypermart melihat sawa,
- harga ipad 10 juta,
- baik gasan melamar nyawa
- Makan tapai rasa paku,
- tetaguk paku asa ditikam,
- handak tahu kah isi hatiku?
- isinya iya nama ikam
- Nukar kuaci di kota bandung,
- bejalan batis sampai kurus,
- biar aja diluar mendung,
- tapi cinta kita cerah tarus
- Si udin makan selada,
- seladanya yang dari cimahi,
- gasan ikam apa yang kada,
- matahari gin ku pajahi
- Bukah ke jawa lakas manggah,
- beistilah tulak mencari batu,
- percuma rupa bungas gagah,
- mun kelakuan kaya hantu
- Si kai dadanya rata,
- si nini tetaguk buaya,
- ujar siapa aku kada cinta,
- belah dadaku mun kada percaya
- Pak lurah harat menyindir,
- pak camat bejualan kutang,
- aku ni kada banyak pandir,
- kiau penghulu langsung bedatang
- Nukar waluh di pleihari,
- harau sasat ke pasar lama,
- ingat akan jar urang bahari,
- jangan lepas sembahyang nang lima
Pantun Banjar Seru
Lamun palangi baubah warna
Pasti dunia umpat binasa
Lamun pang hati kadada cinta
Apalah rasa salain hampa
Tabang sarapun batang rumbia
Ambil daunnya diulah hatap
Bahitung tahun mamandam cinta
Pabila jua kawa taucap
Burung nuri dikayu jati
Umpat bahinggap burung merpati
Nang aku cari cinta sejati
Kawan dihidup sampai ka mati
Putik kuini matan tangkainya
Buat ka wadah param diatang
Sampai wahini kada pang lupa
Ikam nang sudah diambil urang
Ambil tampurung banam di api
Banyak baranya mamasak lamang
Kada bauntung nasibnya diri
Bapadah cinta ditampik urang
Pisang awa rasanya kalat
Param sasikat dalam karanjang
Lamun cinta talanjur pagat
Bawa bagamat mancari pulang
Cari parmata ka Martapura
Tarus Sampit sampainya sanja
Lamun cinta sudah mambara
Dalas hangit kulapas kada
Ka Parigi mandulang amas
Singgah satumat manukar rimpi
Patah hati jangan balawas
Bawa bagamat mancari pulang
Rawa-rawa tinggi sabatang
Rapun rambai patah sadahan
Jaka kawa ikam ku pinang
Kita batatai dipalaminan
Putik sukun matan tangkainya
Kupas hampalam dibalah dua
Kada kuhakun malabuh cinta
Lamun pang karam dibanyumata
Jangan ditabang si rapun manggis
Mun nang cundung si rapun rambai
Dimapa kumbang kada manangis
Malihat kambang layu ditangkai
Tumis kastila lawanlah kangkung
Sanga iwaknya si iwak wadi
Nang kaya apa kada tacungkung
Urang dicinta sudah balaki
Tulak malunta dihujan rintik
Mandapat iwak saluang mudik
Banyumata gugur manitik
Diri tahadang janji sabatik
Buah kuranji buah mingkudu
Daun kaladi bacabang dua
Ikam bajanji samanis madu
Tapi nang jadi racun babisa
Tatak batang dapa sambilan
Dibalah-balah sama ratanya
Asa himung basasayangan
Wayah tapisah liwar marista
Tabang pisang dipahumaan
Masak sasikat dimakan musang
Kada tabayang dalam khayalan
Hanyar badapat tapisah pulang
Tarabang halang ka atas bukit
Hinggap batiti dirapun rambai
Sudahlah pusang batambah sakit
Sakitlah hati badan tacarai
Burung pipit mamakan banih
Banih disawah masaknya rata
Bujur sakit bacarai kasih
Makan bakuah si banyumata
- Simpan duit didalam pati
- Lalu andak dibawah ranjang
- Pangantinnya sudah bamandi
- Banyu kambang bapapai mayang
- Balakas-lakas maurak tikar
- Gasan maandak dimuhara lawang
- Nasi kuning bacampur janar
- Iwaknya haruan bamasak habang
- Maangkat banih sampai tapaluh
- Tuju karumah matan pahumaan
- Gangan nangka bacampur waluh
- Nyaman dimakan wan sambal acan
- Tulak kapasar manukar kambang
- Imbah ditukar jarat wan tali
- Jangan duduk dimuhara lawang
- Jar urang tuha itu pamali
- Andak wadai di atas mija
- Ading handak jangan di bari
- Lakas naik mun hari sanja
- Kada baik jar urang bahari
- Paring barandam babau bangai
- Gasan diulah dinding kurungan
- Mambuang ratik jangan kasungai
- Sakira kita kada kabanjiran
- Nyaman banar duduk bajuntai
- Sambil mamakan buah rambai
- Sungai turak ada di amuntai
- Sungai batang alai di barabai
- Amun karung banyak luangnya
- Pasti isinya pacang tahambur
- Jenis jukung banyak macamnya
- Salah satunya jukung sudur
Siutuh harat bakisah
Inya bakisah lawan pamannya
Biar kita bapisah
Ingatlah ulun salamanya
Mancibuk banyu turun ka batang
Turun kabatang hdk fnk mandi
Tuhunk ding ae a’a mngganang
Sakalinya nang di ganang sdh balaki
Iwak cupang iwak kalatau,
Jantik jantik jadi pang umpan,
Hati pusang pikiran layau,
Handak batamu malapas dandaman,
Iwak haruan iwak saluang,
Umpani baras wan hulat bumbung,
Dalam mimpi tarus tabayang,
Ading nang bungas urang balitung,
Pisang kada sumbarang pisang,
Pisang ulih ulih matan jakarta,
Datang kada sumbarang datang,
Kaka datang mambawa cinta,
Jalan batiti turun ka batang,
Jangan bahindik titiannya patahan,
Bulan safar kanda badatang,
Bulan mulud kita banikahan,
Sungsungi guring jangan balandung,
Kaina bangunnya kasiangan,
Adinda batahi lalat di hidung,
Bakaning tabal kakanda dandaman,
Manis masam nangka kulanda,
Diulah jus liwar nyamannya,
Sahari kada batamu dinda,
Sarasa satahun manggaringnya,
Gatal takana batang kaladi,
Bahimat manggaru sampai badarah,
Basungsung hari sudah mandi,
Handak badadai di muka rumah,
Kayu katapi di higa buluh,
Kayu kuini di higa paring,
Kuparaki inya bajauh,
Kutakuni inya bapaling,
Burung piungut hinggap di tihang,
Tinggi di awan tarbang sakawan,
Duduk maungut basangga wihang,
Hati dandaman kupandang bulan,
Waluh masak nyaman digangan,
Sambal acan papuyu baubar,
Ulun dandaman ulun karindangan,
Saharian kakanda kadada habar,
(LPBB/Risa Agustina)
Amun handak ka rumah nini,
Bawa baras dalam karanjang,
Amun pian sudah babini,
Kanapa jadi bapadah bujang,
Amun kada jua bajalanan,
Paraya abang bapadah cinta,
Mun kada wani ka palaminan,
Ambil jamuran kain lalu dilipat,
Disusun rapi dalam karanjang,
Sudah lawas kita kada badapat,
Satiap hari hati mangganang,
Mati unggas ulih pamburu,
Unggas dibungkus dalam kain,
Hati panas rasa camburu,
Abang marayu binian lain,
Kuluk-kuluk harinya hujan,
Harinya hujan lakasi bataduhan,
Tuhuk sudah ulun manyandang,
Manyandang hati nang karindangan,
Batang latung batang paikat,
Paikat malilit di puhun paring,
Alis mata nang hirang labat,
Kaya samut bajalan bairing,
Batang puhun tinggi manjulang,
Tumbuh labat di dalam hutan,
Rambut hirang maikal mayang,
Kaya putri matan kayangan,
Ambil tujuh si daun sirih,
Sampuk urat nang utama,
Muha putih wan barasih,
Kaya malihat bulan purnama,
Duduk batalimpuh simpun di lantai,
Mandangar patuah uma tasayang,
Awak langsing tingggi samampai,
Pinggang halus sakacak lawang,
Bantang kain layar dibantang,
Tulak balayar ka pulau subarang,
Bibir tipis bagincu habang,
Hidung mancung nyaman dipandang,
Buah nangka balah wan parang,
Biginya jangan di buang,
Lawas dinda mahadang-hadang,
Sakali datang sudah ampun urang,
Lamun ading bisa malukis,
Tulung lukisakan puhun kayu,
Lamun ading bisa bahasa inggris,
Tulung artiakan kata Ai lap yu,,,
Lamun ading bisa manari,
Tulung manari japin rantauan,
Lamun ading bisa manamba’i,
Tulung tamba’i hatiku nang dandaman,,,
Matan hulu kerumah nini,
Lapah bajalan paksa ditandu,
Matan dahulu sampai wahini.
Masih pian nang ulun rindu,
Hari arba manukar parkutut,
Manukar parkutut parkutut bini,
Hari dingin apa nang dipagut,
Pagut gaguling asa mamagut bini,,,
Main gasing di pakarangan,
Gasing matan kayu kamuning,
Camburu nintu bumbu pacaran,
Camburu nintu tandanya sayang,
Rami bagasing wan kakawanan,
Kada tarasa sampai kamarian,
Lamun limpat panimburuan,
Bisa marusak lawan hubungan,
Anta anti.
Kataku si burung nuri.
Aku lakian nang jaya sakti.
Galuh datang maharit rindang hati.
Habang hijau buah rambutan,
Si antalagi manis rasanya,
Hati manangis marga dandaman,
Asa tabayang lawan rupanya,
Asam pauh dalima pauh,
Buah kurma di dalam pati,
Pian jauh ulun jauh,
Sama-sama kita manjaga hati,
Malam ngini malam kamis,
Malam isuk malam jumahat,
Ayank jangan tarus manangis,
Mudahan isuk kita kawa badapat,
katutupi hinggap di tawing,
Kulai-kulai makan di upih,
Gawil pipi ading bapaling,
Japai-japai ading baalih,
(LPBB/Sabran Tiga Empat)
Bagusnya rambut nangkaya mayang,
Nangkaya mayang rambut paninian,
Handak haja bapadah sayang,
Tapi supan ulun babinian,
(LPBB/Lisa)
Batanda lahir parak di hidung,
Saganal sahang bawarna hirang,
Adinda nang batahi lalat di hidung,
Nintu adinda nang kusayang,
Dasar bungas pang galuhnya, tahi lalatnya nintu nang maulah diaku karindangan,,akayyyyaahh
(LPBB/Abdul Aziz Al Jaboeli)
Rambut baurai bahias pita,
Bamata lantik pina mangkilat,
Lamun hudah jatuh cinta,
Gula habang barasa cukla,t
Ahahahayyy dandaman pulang lakiannya
(LPBB/Abdul Aziz Al Jaboeli)
Binuang rantau bakasananya kandangan,
Bakasinya lagi nintu mataraman,
Ikam jauh kakanda karindangan,
Rahatan batamuan lalu ai basayangan,
Akaaayyyyy malapas rindu jar lawas kada batamu..
(LPBB/Abdul Aziz Al Jaboeli)
Madam kahulu manuju kamahi,
Basinggah satumat di amuntai hulu,
Rahatan hujan turun mambasahi,
Hati dandaman lawan ayangku,
Taksi basinggah panumpang baturun,
Batinggal di mutur urangnya batalu,
Sabanyak titikan banyu hujan nang turun,
Saitu jua cintaku wan dirimu,
Akaaayyylahhh talului galung paninian,,,
(LPBB/Abdul Aziz Al Jaboeli)
Tulak mancari si ranting jambu,
Ranting ditatak gasan balugu,
Malam ini si malam minggu,
Malam nang sadih buat nang jumblu,
Sabar æ anu æ,,,
(LPBB/Sabran Tiga Empat)
Itik surati babaris saparanakan,
Itik japun jalan bainggang,
Duduk maungut sambil bapisbukan,
Mahadangi kalu digawil ayang,
Wkwkwk,,,,lamun kada digawil jua pacangan kada guring saku ah,,,
(LPBB/Deden Zabuk)
Sudah baamas baintan pulang,
Sudah babungas baiman pulang,
Sudah basirih bakapur pulang,
Sudah baputih basubur pulang,
Sudah balampit batikar pulang ,
Sudah baduit balangkar pulang,
Sungai sungai sungai di mana hulunya,
Umai umai umai siapa judunya ???
(LPBB/Sabran Tiga Empat)
Buah tiwadak masak di puhun,
Aku naiki gugur ka kandang,
Aku handak, ikam hakun,
Napa lagi nang dihadang,
(LPBB/Zhulax Engot)
Labih baik basurban kaci,
Daripada surban sumbarangan,
Labih baik bakurban sapi,
Daripada kurban parasaan,
He he he ,,,,
(LPBB/Sabran Tiga Empat)
Di hatap rumah tikus basarang,
Hatap rumahnya bakayu jati,
Duduk maungut di muhara lawang,
Kaingatan muha pujaan hati,
(LPBB/Lisa)
Nasi panas peda baubar,
Gangan nangka iwak saluang,
Walaupun lawas kedada habar,
Jangan dikira aku membuang,
(LPBB/Zhulax Engot)
Tangah hari maunjun lundu,
Maunjun lundu sampai ka balangan,
Lamun cinta sudah bapadu,
Siap siap mambagi undangan,
(LPBB/Lisa)
Ka masjid raya liwat taluk dalam,
Tulaknya bakandaraan kadanya babukah,
Hari hari kaganakan wan ikam,
Nang diganang marasa juakah,,?
Ikam bungas bagus parangainya,
Siapa haja mandapatkan bauntung,
Kada kawa dapat urangnya,
Baisi futunya gin untung,
akaaayyy jatuh cinta jar,,
(LPBB/Abdul Aziz Al Jaboeli)
Dinginnya hari pas turun salju,
Di dalam salju tatamu amas,
Jangan pian pina maraju,
Lamun maraju kada bungas,
(LPBB/Lisa)
Batanam waluh tumbuhnya subur,
Nang batanam ngarannya hindun,
Hati ulun barasa tahambur,
Mandangar pian mamagat ulun,
(LPBB/Lisa)
Kambang nang mulik damintu indah,
Damintu indah ditiup angin,
Tumbang-tumbalik aku manyasah,
Nang aku sasah pilih nang lain,
Aku nang mananam urang nang mamutik,
Aku nang mamulut urang nang manangkap,
Aku nang bamasak urang nang mamakan,
Aduh aduh sakit karunyutan nang kaya tumbal marantan,
(LPBB/Sabran Tiga Empat)
Ambil tapih di rumah pian,
Handak ma’ambil tangan batadah,
Umai kaka bungasnya pian,
Jantung di dada sarasa bapindah,
(LPBB/Lisa)
Putik kenanga hari salasa,
Imbah mamutik bukahnya laju,
Hintalu masin kada barasa,
Wayah pujaan hati lagi maraju,
(LPBB/Lisa)
Tatak paikat dibalah-balah,
Disusun rapi basulah-sulah,
Batis baangkat mengetek sabalah,
Manginum kupi ruku sabilah,
(LPBB/Putra Banua)
Malam Minggu ya malam Ahat,
Malam Rabu ya malam Arba,
Ikam kutunggu kada talihat,
Aku rindu di dalam dada,
Gara2 manahan rindu dalam dada, sampai mariga, muntung bau naga. Heee
(LPBB/Sabran Tiga Empat)
Makan siang baiwak samu,
Samu disanga,ampalam dihiris,
Saminggu sudah kada batamu,
Rindu hati sarasa dihiris,
(LPBB/Lisa)
Patah batis hancap diurut,
Awak panas barasa ladar,
Nasi saganggam kanyanglah parut,
Lamun kakasih mambari habar,
(LPBB/Lisa)
Rumbai-rumbaian si banang habang,
Banang nang habang sulaman galuh,
Kawai-kawaian bapandang sayang,
Bapandang sayang tumatan jauh,
(LPBB/Sabran Tiga Empat)
Panjang-panjang si kacang panjang,
Tanam di padang di higa pisang,
Hadang-hadang si diang sayang,
Ikam kuhadang dibawa urang,
Sapala banar ikam nich,,! Saurang nang mananam, urang nang mamamam.
(LPBB/Sabran Tiga Empat)
Daun panjang daun halalang,
Daun palam ulah salipi,
Amun siang aku taganang,
Amun malam aku tamimpi,
Mimpi basah,,,(mimpi kaujanan di pahumaan.) hi hi hi
adiiing! Oh ading!
(LPBB/Sabran Tiga Empat)
Burung piungut hinggap di tihang,
Tinggi di awan tarbang sakawan,
Duduk maungut basangga wihang,
Hati dandaman kupandang bulan,
(LPBB/Sabran Tiga Empat)
Lading amas lading balati,
Lading balati manatak kantang,
Ading bungas jangan balaki,
Bulan haji kaka badatang,
(LPBB/Sabran Tiga Empat)
Kayuh baimbai ka hulu sungai,
Ampah ka kiri barakit panjang,
Galuh samampai maayun limbai,
Maulah hati maharit rindang,
(LPBB/Sabran Tiga Empat)
Ku cuba-cuba mancari jambu,
Jambu ku cari pisang ku dapat,
Ku cuba-cuba mancari balu,
Balu ku cari bujang ku dapat,
Untung ganal diakunya,,,gkgkgk
(LPBB/Putra Banua)
Handak bakodak di padang jarami,
Ka padang jarami jalannya lurus,
Lamun cinta lagi basemi,
Handak guring kaingatan tarus,
(LPBB/Lisa)
Nasi kuning iwak haruan,
Bajual nasi gelarnya sarjana,
Bagawian kada mangaruan.
Lamun hati gundah gulana,
(LPBB/Lisa)
Iwak pari bapundut daun,
Kucing lakas datang mamaraki,
Dini hari takajut bangun,
Ading bungas datang di mimpi,
(LPBB/Sabran Tiga Empat)
Ladingku amas ladingku panjang,
Kanapa pingkar patah kubuang,
Adingku bungas adingku sayang,
Batambah langkar imbah sumbahyang,
(LPBB/Sabran Tiga Empat)
Baju bakas dibariakan,
Baju hanyar dibarikan sayang,
Handak haja kada memikirakan,
Tapi inya salalu tabayang,
(LPBB/Lisa)
Panas-panasnya panas manggantang,
Manggantang rasa awak dipanggang,
Lawas-lawasnya lawas mahadang,
Mahadang cinta pabila datang,
(LPBB/Sabran Tiga Empat)
Kambang malati timbai ka laut,
Layu kambangnya balalu hanyut,
Dimapa hati kada kusut,
Malam minggu pasti taungut,
(LPBB/Ulvie)
Ampar tikar dalam jukung,
Siapa jua marabahinya,
Pian nang langkar mancung hidung,
Siapa jua nang ampunnya,
Hahayy..!!
(LPBB/Ulvie)
Bajukung di sungai andai,
Batarus sungai Baritu,
Hati bingung lawas baandai,
Awak kurus mahadang judu,
(LPBB/Sabran Tiga Empat)
Lamun jaruju padang jumampai,
Paikat laki dadayan kain,
Lamun jodoh baluman sampai,
Ading hadangi sampai takawin,
(LPBB/Ulvie)
Malam jumahat bajalan ka padu,
Bajalan ka padu ma’ambil timah,
Kasian haja bubuhab jumblu,
Malam minggu bagana di rumah,
(LPBB/Lisa)
Daun dadap banyak di padang,
Wanyi barumut di jati hutan,
Bulan kadap kada babintang,
Sunyi mamagut di hati rawan,
(LPBB/Sabran Tiga Empat)
Ampat lima kuriding patah,
Patah sabilah dihiga lawang,
Ampat lima ulun tanding sudah,
Kada manyama nang baju hirang,
(LPBB/Ulvie)
Mulai Garogot ka tamiang,
Ulih ulihnya sakarung pisang,
Taungut mahadang kaka datang,
Sudah datang diambil urang,
(LPBB/Ulvie)
Pandang pandang apa dipandang,
Apa dipandang di tangah hutan,
Hadang hadang dinda mahadang,
Kanda badatang lawan kuitan,
(LPBB/Risa Agustina)
Hari-hari duduk manulis,
Kada disangka kartasnya habis,
Napa hatiku rasa dihiris,
Mangganang inya nang hirang manis,
(LPBB/Lisa)
Buah kanas jangan dikupas,
Lamun dikuPas pakai parudan,
Assalamualaikum nang bungas bungas,
Salamat baisukan sabarataan,
(LPBB/Ulvie)
Gangan kaladi iwak bapanggang,
Sambalnya si buah kuini,
Jangan lagi ading mahadang,
Karna kanda sudah babini,
(LPBB/Incus Fatih)
Bapadah minta kambang mayang,
Kambangnya ampun raja,
Bapadah cinta bapadah sayang,
Sakalinya badusta haja,
(LPBB/Risa Agustina)
Umai panasnya paluh mambara,
Ngarannya musim imbah kataman,
Umai bungasnya galuh Martapura,
Urangnya alim tambah baiman,
Siapa jua nang jadi judunya,,,??? Mudahan Julak…ahayy
(LPBB/Sabran Tiga Empat)
Buat banyu ka dalam tajau,
Cibuk banyu di sumur balakang,
Duduk taungut pikiran layau,
Maingat ading diambil urang…
Nasibbb nasibb,,,taungut lakiannya,,,
(LPBB/Deden Zabuk Al-Pantun Banjari)
Labat-labatnya si daun pisang,
Labat lagi daun katapang,
Kada badapat hatiku mangganang,
Siang malam haur taganang,
(LPBB/Putra Banua)
Puhun pinang si puhun palam,
Puhun mingkudu batangnya bacabang,
Ulun taganang di wayah malam,
Asa handak lakas badatang,
(LPBB/Putra Banua)
Maulah rumah manyusun bata,
Kabalujuran gargaji tumpul,
Bujur haja diri ku cinta,
Duit jujuran balum takumpul,
(LPBB/Putra Banua)
Kayapa tulak ka tabuniau,
Jukung miris banyak balubang,
Kayapa guring kada ma’igau,
Kaka bajanji handak badatang,
(LPBB/Ulvie)
Itik halabiu nyaman dipanggang,
Mamanggang jangan diatas lantai,
Sahari ading kada kupandang,
Awak manggaring asa lunglai,
(LPBB/Moldi Haza)
Batang ulin jangan dirandam,
Tajak ka tanah diulah turus,
Handak haja mata bapajam,
Tapi hati mengganang tarus,
(LPBB/Lisa)
Makan sukun siang siang,
Makannya lawan tetangga,
Lamun kaka bujuran sayang,
Pabila jua kaka bapara,
(LPBB/Ulvie)
Tarung tatar buat di gangan,
Digangan akan lawan kaladi,
Dasar sakit hati mangganang,
Nang diganang sudah babini,
(LPBB/Ulvie)
Lamun handak manukar pita,
Nukar haja di warung Azak,
Lamun hati sudah cinta,
Banjarmasin Martapura tarasa parak…
Asa salingkangan tu pang jarak Banjarmasin Martapura ni…
Kaitu pang nang di alami ulih Abdul Aziz Al Jaboeli,,,hehe
(LPBB/Deden Zabuk Al-Pantun Banjari)
Jangan di tabang pisang jaranang,
Kalu rabah ke dadaian kain,
Jangan dihadang jangan diganang,
Ulun sudah dapat nang lain,
(LPBB/Zhulax Engot)
Makan sagu di palataran,
Kada batawaran lawan kuitan,
Malam minggu taungut saurangan,
Handak bajalan kada sing duitan,
(LPBB/Putra Banua)
Ulun handak makan kukulih,
Ada dijual dihiga salun,
Ulun handak pian mamilih,
Antara inya lawan ulun,
(LPBB/Risa Agustina)
Batang kaladi badaun dua,
Daun sarai buat ka bica,
Lamun jadi kita badua,
Kalambu tirai jandila kaca,
(LPBB/Putra Banua)
Paraya pian bakaca mata,,,
Amun kada jua bajalanan.
Paraya abang bapadah cinta,,,
Mun kada wani ka palaminan.
(LPBB/Risa Agustina)
Burung punai di dahan jati,
Ampar tikar di higa lawang,
Umai-umai sakitnya hati,
Malihat pacar digandeng urang,
Hahahahaaaapuk am,,,
(LPBB/Taufik Aza)
Burung tarabang kilam-kilaman,
Tarabang lalu hinggap ka jati,
Bulan tarang salau-salauan,
Tabayang aku si jantung hati,
(LPBB/Sabran Tiga Empat)
Bakalang lawan si buluh panjang
Wayah mamuai sarangnya wanyi
Batarang bulan basuluh bintang
Wayah kita baturai janji
(LPBB/Sabran Tiga Empat)
Cincirak burung cincirak,
Cincirak miring tarabang,
Dirusak jantung dirusak,
Dirusak ading tasayang,
Pialing burung pialing
Pialing tarbang malayang
Tagaring abang tagaring
Tagaring manyandang rindang
Oh pipit burung si pipit
Si pipit tarbang ka kolam
Kuharit rindang kuharit
Kuharit siang wan malam
Buah manggis di dalam peti,
Bawa balayar dalam parahu,
Aku manangis di dalam hati,
Kadada saikung nang tahu.
Pindua banyu di hulu,
Ka muhara larut palahan,
Badua wan adingku,
Ka KUA isuk banikahan,
Basanding panat duduk di palaminan,
Tangan kanan rancak basalaman,
Takurihing aku malihat adingku mandam,
Mamikirakan malam kalalambatan,
Aku tahu taradak ading
Taradak ading di rapun sirih
Aku tahu kahandak ading
Kahandak ading lawan nang sugih
Andak pati di higa lawang,
Lawang matan kayu japara,
Hati kaya dikarukut bidawang,
Umai sakit kada sakira,
Tanah Minang ka Pulau Pandan,
Bagitik masih angin ka hulu,
Wayah rindang kutingau bulan,
Kubisik kasih di angin lalu,
Sudah ka Bintan ka Pariaman,
Di kanan kiri rapun kamangi,
Lumbah lautan tinggi gunungan,
Jalan baduri nang mahalangi,
Bila ka pantai lakasi taan,
mata nang basah cuba pang lapai,
Rasa am rakai hati wan badan,
Cinta disasah kada pang sampai,
Dicuba -cuba dipandang-pandang,
Amas parmata diulah galang,
Dilupa-lupa dibuang-buang,
Dasarnya cinta tatap taganang,
Waluh masak nyaman digangan,
Sambal acan papuyu baubar,
Ulun dandaman ulun karindangan,
Saharian kakanda kadada habar,
Haduk diulah sapanjang dapa,
Panjang bapanjang kita tataki,
Tunduk tingadah mahadang apa,
Hadang mahadang cinta sajati,
Kapala kuda nang dihambati,
Unta nang halus uyuh bajalan,
Pabila jua aku dapati,
Cinta nang tulus galuh baiman,
Kada ujarku tapi ujar urang,
Malam minggu malam nang panjang,
Muda-mudi parawan bujang,
Malapas rindu bakasih sayang,
Rami banar kudangar urang,
Ka hulu ka hilir asik bakunjang,
Maubati hati nang rindang,
Tuhuk maharit malam wan siang,
Wahai parawan wahai si bujang,
Sabalum apel baik sumbahyang,
Supaya iman kada bagoyang ,
Wayah badapat gandak tasayang,
Luruk banyu ka dalam bulanai
Gasan mangurung si iwak patin
Islam nitu agama nang damai
Damai di lahir damai di batin
Bawalah paikat ka Birayang
Imbah nitu ka Palaihari
Wajib salat atawa sambahyang
Lima kali dalam sahari
Mun isuk mudik ka Kandangan
Batarus haja ka Mantimin
Kitap suci kitap Al Quran
Bacaan mulia urang muslimin
Daun pudak atawa pandan
Bawalah ka pasar ari Arba
Amun datang bulan Ramadan
Jangan tatinggal wajip puasa
Ada nasi ada jua bubur
Pilih makan handak nang mana
Imbah mati masuk ka kubur
Harta nang banyak kada dibawa
Kayu panjang di halaman
Lalu ditatak lawan parang
Parilaku urang baiman
Katuju manulungi urang
Tatak sabilah kayu birik
Bilahannya ditumbang talu
Wayah bamula gawi nang baik
Baca Bismillah badahulu
Anak saluang si anak sapat
Timbul tinggalam banyalam-nyalam
Amun kita hanyar badapat
Badahulu kita maucap salam
Ulin panjang gasan galagar
Ulin nang nipis diulah sirap
Maulah masjid manggawi langgar
Gawi sabumi mangumpul wakap
Banang bagalas dililit-lilit
Gasan talinya kalayangan
Wayah mandangar bang di masjid
Nitu wayahnya sambahyangan
Digaragaji kayu pang lanan
Papan nang kandal diulah tangga
Kada tamasuk urang baiman
Amun bahual lawan tatangga
Parak haja kampung Barikin
Wadah baulah haduk sasapu
Urang cacat pakir miskin
Bubuhannya nitu parlu dibantu
Jalan – jalan keliling dunia
Cuma beli akuarium
Yang paling membuatku bahagia
Saat melihatmu tersenyum.
Nukar semangka buruk sebalah
Tapi sayang kadada yang maunya
Sekolah jangan asal sekolah
Tuntutlah ilmu setinggi – tingginya.
Tulak ke pasar naik kendaraan
Ke pasarnya nukar tikar
Anak sekolahan jangan bepacaran
Lebih baik giati belajar
Pemenang Irus dari Sitambul
Jangan dialih andakan arit
Pina ngalih mancari’i
Jaman ngalih mancari duit
Anak sakulahh jangan diampihi.
Buah kuini kuyak barataan
Hanya dibawa kayah mintuha
Sakulah tinggi banyak bayaran
Mun kada kawa minta beasiswa.
Tulak kepasar naik sepeda
Handak manukar hintalu karuang
Satumat lagi sumpah pemuda
Ayu kita tingkati semangat juang.
Kota Jatim kota Jember
Ada lalu burung garuda
Kami tahu 28 oktober
Hari jadi sumpah pemuda.
Pemenang Ita dari Banjarmasin
Hidup apik perluas wadah
Handak begawi baca basmallah
Wujudkan semangat sumpah pemuda
Agar Negara kada pecah belah.
Jual kaos obral harga murah
Ada kesempatan jangan di tunda
Mari kita terus membangun daerah
Dengan semangat sumpah pemuda.
Pantun Banjar Bertema Tahun Baru Hijriyah
Dari Banjar ke Mataram
Cuma handak tetamu Bayah
Satumat lagi satu muharam
Awal tahun baru hijriyah.
Acil Aluh manukar kupiah
Manukar kupiah di warung Diyah
Mari sambut dengan meriah
Awal tahun baru hijriyah.
Pemenang : Dani dari Anjir
Anak saluang si anak haruan
Timbul tinggalam banyalam – nyalam
Hari ini ulun maucapakan
Selamat tahun baru islam.
Tatak sabilah kayu girik
Bilahannya di tumpang talu
Isuk awal tahun yang baik
Baca bismillah badahulu.
Pantun Banjar Bertema Pariwisata
Pasar kamis pasarnya rami
Banyak bejualan iwak masin
Pasar terapung pasarnya rami
Wisatanya buhan Banjarmasin.
Dari Surabaya ke Madura
Singgah satumat nukar gula batu
Pasar intan ada di Martapura
Banyak wisatawan yang ke situ.
Pemenang Rahmaniah dari Banjarmasin
Handak malihat warik bakantan
Tulak bakalotok ka pulau kambang
Pariwisata di banua kita lestariakan
Pariwisata rami nang datang.
Lombok rawit padas liwarnya
Anak di panai pirik lawan batu
Tulak pariwisata rami banar
Jangan kada ingat lawan waktu.
Pantun Banjar Bertema Belajar
Melihat hantu melayang – layang
Sambil melihat sambil mengejar
Amun pian sudah sembahyang
Ambillah buku gasan belajar.
Makan pisang di pelatar
Sambil melihat bibi jamu
Kita – kita harus belajar
Supaya banyak dapat ilmu.
Pemenang : Rahmatullah dari Astambul
Tuhuk begawi awak uyuh
Amun malam minum baras kancur
Tulak mencari duit nang si abah
Kakankan nang sakulah balajar bujur – bujur.
Gumbili ganalan sudah babungkah
Ulahi gangan buati santan
Hari – hari kakankan balajar di sakulah
Dapat ilmu gasan sangu dalam kehidupan.
Pantun Bertema Kerajaan Banjar
Manukar wadai gasan mintuha
Wadai asli orang Banjar
Pangeran Suryanata raja di Daha
Pangeran Samudera raja di Banjar.
Acil Ina tulak ke kota
Handak menukar keripik renyah
Pangeran Suriansyah raja kita
Selalu berjuang tanpa menyerah
Pemenang : Niah dari Banjarmasin
Mahibak jukung awan muatan
Handak balarut ka sungai Kuin
Banua Banjar mahibak karajaan
Kada kalah wan karajaan lain.
Kambang kastila di ulah gangan
Sampai ke akar cungkal kaladi
Kerajaan Banjar kita kenalakan
Supaya tahu sampai wayah ini.
Pantun Bertema Adat Orang Banjar
Baarisan di tangah pasar
Padang orang bajualan
Bahadrahan adat orang Banjar
Yang patut kita lestariakan.
Neil amstrong handak ka bulan
Tapi pesawatnya balum jadi
Amun binian hamil 7 bulan
Lakasi ja mandi – mandi.
Tidak ada pemenang
Pantun Bertema Banjir (Ba’ah)
Minum es sambil manggitir
Sekalinya ading datang memanderi
Siapa tahu akibat banjir
Itu oleh taangan kita sendiri.
Nyamannya makan bapapiringan
Makan tapai lawan umanya
Buang sampah jangan sembarangan
Amun banjir kita jua nang ngalihnya.
Pemenang Niah dari Marabahan
Manatak gadang di waktu hujan
Gadangnya larut sampai ka simpang
Mutur muguk di tangah jalan
Akibat banjir sampai ka pinggang.
Makan wan minum badua kakasih
Supaya rakat sampai ka palaminan
Pemerintah Banjarmasin nang sugih – sugih
Tulung hati akan daerah nang kebanjiran.
Pantun Adat Banjar
Puhun gambir di dalam hutan
Andaknya di padang sabat
Amun bapandir lawan kuitan
Baucap nitu bagamat-gamat
Mambawa papan ka muhara
Papan handak diulah pasak
Parak hadapan urang tuha
Mun bajalan babungkuk awak
Banyak raragi lawan rarampah
Ada katumbar lawan jintan
Handak tulak ka luar rumah
Basujut cium tangan kuitan
Bungkah janar diulah japa
Dipirik-pirik di dalam cubik
Dikiau mama dikiau bapa
Lakasi manyahut baik-baik
Maharu baras dalam kuantan
Kuantan miris imbah disudir
Amun disuruh ulih kuitan
Lakas digawi jangan pangulir
Hundayang nyiur daunnya karing
Bilah lidinya dijarat-jarat
Kada baik mbaucap nyaring
Kaya urang kada baadat
Buah asam banyak guguran
Ada nang gugur ka sumur karing
Tuntung makan kakanyangan
Jangan mariga banyaring-nyaring
Jalan baimbai sambil batuntun
Lapah bajalan naik ka bica
Kada bulih manjajak watun
Kaina disariki ulih mintuha
Tukang titik si tukang sudir
Manyudir rinjing baluman tuntung
Rahatan makan banyak bapandir
Bisa nasi tamasuk kahidung
Buah rambai gugur ka tanah
Pucuk daunnya umpan bakantan
Basisiut malam dalam rumah
Nitu pamali mangiaw sitan
Tumat hantakan ka Banua Kupang
Singgah dahulu di Batali
Jangan makan piring batumpang
Ujar nini nitu pamali
Karas-karasnya wasi waja
Diulah lading diulah parang
Amunlah ari wayah sanja
Janganlah duduk di muha lawang
Tulak mamulut baduduaan
Imbah bulik di wayah sanja
Jangan bacakut papadaan
Hual sadikit baakuran haja
Dadaian kain paikat laki
Kain didadai nang bakurawang
Kada baik bahiri dangki
Pariksa haja diri saurang
Mayang pinang babungkus upih
Gasan dipakai bamandi-mandi
Wayah bapangkat wayah sugih
Baingat-ingatlah lawan diri
Maurak tikar di palatar
Tikar purun diulah lapik
Piragah harat piragah pintar
Nitu parigal nang kada baik
Kayu halaban diulah harang
Ditatak-tatak dipanggal dua
Jangan mancari kasalahan urang
Kasahan saurang ada haja
Tulak maunjun tulak mambanjur
Dapat kalabaw dapat hundang
Amunlah bajanji bujur-bujur
Janji nitu ibarat hutang
Tatak haur diulah bumbung
Hujung ditukup tarus dijarat
Kada bagus balaku sumbung
Parigal diri nang pina harat
Kumpai jariwit daunnya panjang
Makanannya si biri-biri
Amun bagana di kampung urang
Babisa-bisa mambawa diri
Daun kaladi tumbuh di pinggir
Di subalahnya tumbuh jaruju
Amun cakah harat bapandir
Banyak urang kada katuju
Kupasakan sabigi mangga
Mangga banyak dalam barunjung
Balaku baik lawan tatangga
Amun parlu kawa manulung
Kuning-kuning kambang angsana
Ditampur angin tarabangan
Makan pakai nang sadarhana
Jangan maungkai kasugihan
Buah nyiur sabigi dua
Banyunya manis nyaman dinginum
Hurmat lawan urang tuha
Sayang pulang lawan nang anum
Riang riut punduk di hutan
Kaguguran buah timbatu
Irang irut muntung kuitan
Mamadahi anak minantu
Baras unus masak di panci
Jadi bubur banyak banyunya
Taingat hutang tahun tadi
Imbah katam mambayarinya
Putri ramaja anak babangsa
Anak babangsa tanah banyu
Rupa bungas babudi bahasa
Banyaklah urang nang katuju
Akhir Kata
Nah, itulah kumpulan Pantun Bahasa Banjar yang dapat saya sajikan. Pantun ini saya dapatkan dari berbagai sumber yang ada di Internet. Semoga dengan adanya kumpulan pantun ini dapat bermanfaat dan bisa menjadi referensi bagi pembaca semua. Terimakasih sudah membaca artikel ini, janganlupa baca juga kumpulan pantun yang lainnya tentunya tidak kalah dengan serunya dengan pantun ini.